姚本輝巧用人腳　「一定掂」騎師賽亮劍

姚本輝馬房用騎師向來百花齊放，非正式統計贏馬拍檔超過120位，可算是本港史上合作最多騎師奪標的練馬師。今次碰正騎師賽日，三駒分別抽中金美琪、李慕華以及李寶利出擊，若「凌風傲雪」配金美琪最終建功，姚廐又將再添一位贏馬騎師紀錄，不過談到牌面，相對更吸引落在後兩駒身上。

第7場「一定掂」由李慕華策騎，看似冷門配搭，其實兩人早於2022年就合作贏出「步大威猛」，當年因巴米高未能來港，由李慕華臨時接手並凍手煎堆。此駒上季錄得1冠4位，今季甫出未經熱身即於田草1400米贏馬，5歲踏入成熟期更見進步。近兩仗在三班純屬適應步速，上仗初跑谷草一哩後追只負個多馬位，走勢交足貨，留前鬥後的跑法十分合李慕華節奏，具重返勝軌本錢。

第8場「飛輪霸」出道至今5戰1冠2亞1季1殿，上仗谷草1200米一放到底，姿態頗佳。今次升班但只需少負11磅，對4歲正在上升期的馬反而屬發揮利好。李寶利熟識谷草跑道，加上排5檔易於佔好位，可望再展前速威力。

■ 西門獨Q過關

第7場　11 一定掂
拖　2 非凡豪傑　3 銀亮奔騰　6 勁沙塵

第8場　12 飛輪霸
拖　2 電源之駒　3 巴基之勝　5 天星

Leave A Comment

搜尋